| 昨晚識了一年的朋友生日,約我去咖啡灣BBQ...  
因為老婆要返工,所以我自己一個去~ um...其實我係佢地入面年紀最細果個...?? 佢地有幾個都結左婚lu...仔都生埋啦~ 唔知係咪飲左酒,我又唔鐘意咁沉默, 咁我就聊佢地吹水, 點知我講左一陣勇者大戰八爪魚之後,個個都笑到見牙唔見眼, 丫春仲笑到肚痛...要他老婆扶先企得穩 嘿... 食完之後一齊去海邊坐... 我望住個海...踩住D沙...就諗起老婆... 啊...其實我想同老婆一齊去海邊坐多d,哈...好少可 打俾老婆,原來佢收工去左同同事打邊爐... 都岩既,份工咁辛苦,應該食多D! 咁我見話掂有座枱布係度,於是鋪係沙灘度, 個個訓係度睇星星,睇睇下俾周公拉晒... 5點幾先瞓醒,最後同他地飛的返屋企... |
| |
| 
昨天是老婆生日第一年陪我過,本來諗住去佢屋企打邊爐,而且佢已經買齊料~ 點知就係我準備上車果時,佢話佢老豆岩岩返左來... ~ > < ~!! 我就自己是但食個撈麵算~!哈~!最緊要老婆食得飽我就開心架啦 : ] 跟住我就入沙田同老婆行左陣街,之後去睇戲,我地想睇套同門,不過果個無, 所以我地就去左荃灣廣場睇!簡左1院最正的位置~因為個銀幕夠大丫嘛!! 
都OK好睇LA~!不過有好多段都好咸濕...D聲又播到咁大聲...嘿,唔講呢D! 睇完套戲同老婆去食晚飯,3餸兩飯...1支藍妹(我飲晒^^),最後梗係食唔駛D餸~!!   
|
| |
| 最近晚晚都失眠...多愁善感??係既,時間一直流失得好快,好快... 而且我知好快我身邊D朋友都會結晒婚了...! 每一次同朋友聚會,我都好開心咁...其實好多時我都好多O野講,當然未必個個都想聽, 只因我個人認為往事只能回味!我只想盡興,雖然呢個世界係咁,但我都想大家都開開心心, 起碼呢段開心回憶到往後我年老了,都一定係大家的回憶!! 或者咁講...我根本不安於現狀...對身邊太多的事都依然深感不忿...!可惜咁多年都係無從是處= = 後續. |
| |
